機電署總工程師何漢英昨證實，去年九月收到皇冠車行轉介的士死火報告，由於涉及之的士為四座位新型號，已與車行跟進。至十一月底，收到的士業界反映死火情況明顯增加，遂要求中石化檢驗儲存庫內石油氣質素，報告顯示符合標準。及至中石化最新一份在氣庫以及大埔、馬鞍山和元朗三個加氣站抽取的石油氣樣本化驗，亦顯示無問題。

「未見曾蔭權講過一句」

不過，備受死火事件牽連的小巴及的士業界炮轟機電署多個月來無積極跟進，令問題愈鬧愈大。昨日有的士司機團體更發動廿多部的士慢駛遊行，先到觀塘區中石化氣站遞交抗議信，再慢駛往機電署總部，期間陸續有的士及小巴團體到總部高叫口號抗議，一輛的士更當場出現死火。

市民昨續致電電台狠批機電署處理死火問題一拖再拖，更揶揄港府只懂好大喜功，落力硬銷高鐵，漠視人命攸關的石油氣的士死火問題。聽眾劉先生說：「道路上嘅危險唔做好佢，你呢個政府唔好成日諗六百幾億嘅嘢啦！要對市民生命負責，唔好咁醜陋！」謝先生亦說：「成日話下禮拜（先有報告），依家係死得人！都唔知曾生嗰個係乜團隊，特殊環境要有特殊做法！」

的士司機強哥狠批曾蔭權是「事不關己，己不勞心」，他認為今次是宗民生事件，但「一直未見曾蔭權出嚟講過一句話」，他亦斥機電署「太慢啦，完全係官僚答案，唔夠肯定……啲官都唔知做乜？」