冬季日短夜長，領匯卻未有因應季節變更，修改照明系統開啟時間，對居民出入構成不便。藍田平田邨居民阿明（化名）指出，邨民不時會取道平田邨停車場前往商場，近日發現停車場照明不足，擔心易生意外，「平時六點啲燈就會開，但喺冬天五點幾個天已經黑晒，管理處冇提早開燈，萬一司機睇唔到路，撞倒老人家點算！」
經本報轉介後，領匯發言人表示，已即時調校上址照明系統開啟時間，以為行人提供足夠照明。觀塘區區議員簡銘東認為，領匯常以削減成本為大前提，未有為市民設想，「平田邨嘅例子只係冰山一角！之前都有好多巿民投訴，話領匯為咗慳錢，商場舖頭未收工就熄晒啲扶手電梯同啲燈，完全冇諗過市民嘅需要！」簡建議政府應提高監察領匯的透明度，改善服務質素。