梁卓偉英文名叫Gabriel Matthew Leung，佢外公自小在港長大、操流利廣東話嘅英國人，而Gabriel爸爸喺跨國電腦公司做行政工作，所以佢喺加拿大、英國同香港等地方都讀過書，同時令佢練就一身交友功夫。

喜愛音樂 「無奈」從醫

Gabriel小時候嘅「我的志願」係醫生，但佢喺於政府學校教音樂嘅媽媽影響下，想修讀藝術或音樂，不過畀爸爸反對，於是佢表面上報讀醫學院，私下報讀音樂學院，無奈醫學院真係收錄佢，咪惟有乖乖就範囉。

過去一年幾，Gabriel經歷過三聚氰胺、禽流感、豬流感、醫療事故到擦鞋匠、骨灰龕位等事件，被問到係咪因為太忙而無女友，佢笑言「不評論個別個案，呢啲留番我同最親嘅人。」婚姻狀況如何，大家估吓喇。