富豪集團太子女羅寶文接咗家族酒店生意之後，經常要講飲講食，卓妮見到佢，梗要問佢情迷邊間食肆。小妮子聞言哈哈大笑，好爽快咁推介旗下酒店，不過佢係超級VIP，皆因佢食素，食肆嘅廚師要接大小姐柯打，度身訂「炒」添！
羅寶文渾身散發着美少女嘅魅力，無架子、好開心，被喻為「最聰明能幹嘅八十後美女富豪」。如此背景照計好識歎世界，不過自從一、兩年前信佛食素之後，佢嘅飲食習慣就好唔同啦！
寶文話最喜歡喺自家酒店開飯，其中沙田麗豪酒店係佢嘅最愛，皆因嗰度有成十間食肆咁多，畀佢可以一次過享用所有餐廳廚師嘅手勢。卓妮問佢最鍾意食咩菜式，佢話最緊要有齊晒五色蔬菜，包括紅、淺綠、深綠等。
潮流興環保，食素都係環保行為，唔知羅寶文會唔會將食素潮流引入旗下酒店，咁做既可造福食素一族，又可以喺眾多食肆之中打出一條新路！
卓妮