立法會資訊科技界代表譚偉豪（Samson）好鍾意食日本菜，前排佢就去咗北角嘅加藤壽司食魚生，老闆仲介紹Samson食一種深海魚嘅魚肝刺身，叫安康魚肝，Samson食過之後大讚話入口即溶、齒頰留香，出面一定食唔到喎！
呢間加藤壽司其實連米芝蓮都推薦，Samson話佢七、八年前由日本朋友帶佢嚟呢度食，之後就深深愛上，無論幾忙都好，每個月都要去一兩次解吓癮。到底呢個舖仔細細，充滿日本風情嘅壽司舖有咩吸引力呢？Samson就話鍾意佢好似私房菜咁，好有性格，只要坐落壽司吧，老闆就會奉上當日最新鮮嘅魚生，如果你好快食完，代表好想「添食」，自自然然會有人為你點菜，唔使自己費心。
卓妮
