■記者：梅可茵

譚惠珍試搭升降機，發現部分有搖晃。

放大圖片

長安邨樓齡已逾廿年，全邨共設五十三部升降機，其中三部遭機電署點名，指升降機纜索出現損耗，要求更換，但大半年間該邨升降機故障事件仍然不斷。安洋樓居民鍾先生便差點遇上「困」事故，「有日返工聽到有人困，有成十五分鐘咁耐，入面有老有嫩，管理處又唔報警，出事都唔知邊個負責。」

一年維修逾十次

同為安洋樓居民的黃女士稱，過去一年曾目睹升降機維修逾十次，「有次我打去問管理處點解部又壞，佢哋（管理員）話天氣凍喎，乜呢個都係原因？」事實上，升降機問題並非安洋樓一座獨有。當區區議員譚惠珍透露，今年已接獲數十宗居民投訴，「有啲話部成日又震又壞，擔心遲早會飛！」另一區議員羅競成亦稱，已向管理公司多番反映，惜毫無改善，質疑機電署監管不力，「呢度咁多老人家，部升降機有咩事，隨時嚇到心臟病發！」記者查證當日，亦「巧遇」安濤樓有兩部升降機正在維修，反映故障並非個別事件。　

質素問題被忽視

「機電署淨睇同安全有關嘅問題，質素嘅嘢就唔多理，老實講，幾個質素問題就會變安全問題，絕唔可以忽視！」香港電梯業總工會理事長謝景華承認，升降機維修合約質素參差，即使大公司合約亦未必有質素保證，建議機電署教育業主立案法團，嚴選升降機維修合約，確保維修商提供合理服務。

機電署發言人表示，除主要機件故障外，升降機擁有人或註冊升降機均毋須向該署提交損壞報告，故當局並無過去一年長安邨升降機故障紀錄。

就過去長安邨升降機損毀情況及次數，負責該邨電梯維修及保養的電梯工程公司，甚至管業處發言人均未有回應，前者只稱長安邨升降機經安全檢查均屬達標；後者則指除每日派員監察外，每月亦多次與承辦商商討升降機維修及運行情況。