10/12/2009

播放本新聞相關短片

政情：CY自比烏龜做最後勝利者

被傳有意參選特首嘅行政會議召集人梁振英（CY），喺民望調查上一直跑輸畀其他疑似特首候選人。不過，CY似乎一啲都唔介意，佢喺最新一期中大新聞與傳播學系實習刊物《大學線》專訪中，強調自己嘅成功條件係唔怕蝕底，仲話世人睇咗龜兔賽跑故事，覺得故事係教訓兔仔唔好驕傲，但佢就覺得，其實係提醒烏龜，只要有毅力，最終一定贏到兔仔。呢句話真係可圈可點，CY似乎自喻為烏龜，唔怪得CY喺過去一年咁鍥而不捨爭曝光啦！