「巨型彈弓人」來港獻技

呢個聖誕，扮嘢文又有新作，上演集視聽娛樂於一身嘅「魔幻冰上匯演」，請來全球首屈一指、曾勇奪奧斯卡及艾美獎等多項國際殊榮嘅製作團隊搞搞新意，將全球首個冰上「巨型彈弓人」絕技帶來香港。扮嘢文一向身懷絕技，有嘢玩點少得佢嗰份，一於破天荒參與演出，但玩啲乜就守秘密，唔講住。

不過傳媒可以先睹為快，海洋公園率先喺呢個禮拜四下午安排一場傳媒騷，請埋「惹火尤物」周秀娜做嘉賓，同扮嘢文齊齊試玩多項新玩意；有火辣女郎陪玩，認真艷福不淺。海洋公園公關話，娜姐當日衣着以展示健康活力為主，唔會刻意賣弄性感，扮嘢文就順便為首次設於海濱樂園區嘅閃亮亮聖誕花園主持亮燈儀式，預早同大家慶祝聖誕！