今年係城大廿五周年校慶，尋日城大校長郭位專程邀請出名講得笑嘅台中市市長胡志強嚟香港，同大家分享幽默之道。胡市長話幽默好重要，一嚟可以化解尷尬情景，有時仲可以將幽默化身利器，同對手針鋒相對。喺香港班高官入面，胡市長就話政制及內地事務局局長林瑞麟（林D9）最幽默，仲自爆林D9私底下好識講笑！
胡市長真係慧眼識英雄啦，唔知佢是否知道，林D9有人肉錄音機呢個稱號呢！
胡市長仲話，要做一個出色嘅政治人物，唔介意畀人知道自己嘅弱點之餘，亦要唔怕畀人攞嚟講笑。大家睇到林D9咁刻意分享自己係人肉錄音機，完全唔怕人哋話佢，繼續發揮錄音機本色，就知林D9絕對係個幽默嘅人啦！
