見微知著，手錶或多或少能反映一個人性格。政制及內地事務局副局長黃靜文雖然是女兒身，但個性爽朗，非一般愛矯揉嘅女生，所以戴手錶都鍾情大面男裝錶。
一頭短髮嘅黃靜文，自嘲手腕粗過人，戴男裝錶更為適合，加上佢怕受手錶束縛，男裝錶嘅鋼帶佢戴上後雖然有點手鬆，卻反倒讓她自在。佢現在手上戴着嘅是TAG Heuer嘅Carrera Automatic Chronograph Tachymetre系列，以Carrera Caliber 16自動上鏈計時作機芯，41毫米嘅錶殼有齊時分秒和日曆錶盤，並備有藍寶石水晶防刮錶鏡、夜光刻度、拋光指針、紅色針頭計時秒計及鋼質安全錶扣五大特色，兩年前黃靜文購入時要兩萬多元。
黃靜文選呢隻錶嘅另一原因，是佢鍾意打高爾夫球，TAG Heuer有另一隻Tiger Woods有份設計嘅Golf Watch，但因為佢不愛膠錶帶，最後選擇呢一隻。黃靜文以往愛到深圳打波，依家就多數喺香港滘西洲打，每次都會打完十八個洞至走，並非hea住消磨時間，每次打四、五小時，單身嘅佢，絕對係優皮一族。
卓妮