07/12/2009

播放本新聞相關短片

政情：鬍鬚曾拍宣傳片狂N.G.

新一年嘅財政預算案諮詢又開始，財爺鬍鬚曾尋日喺佢網誌度透露新一輯嘅預算案宣傳片今日出街，短短嘅一段宣傳片花咗一日時間拍攝，佢話由於導演要求好高，所以佢N.G.咗幾十次，仲講笑話若果以佢嘅進度，拍一齣兩小時電影，佢哋起碼要拍一年時間喎。拍片有得N.G.，但係作為官員，度出嚟嘅政策有幾百萬人跟住走，要N.G.就大件事，偏偏特區政府低能又冇心肝，N.G.當食生菜。