電影《食神》中周星馳自創嘅「黯然銷魂飯」（叉燒飯加蛋），至今仍記憶猶新，現實生活確係好多人鍾意食叉燒，好似中策主席馬時亨、旅遊發展局主席田北俊都係擁躉，田少更加係叉燒王一名，佢試過晒不同食肆和燒臘店嘅叉燒，但始終較喜歡灣仔萬麗海景酒店三樓嘅「滿福樓」，滿福樓更加成為○九年米芝蓮一星級食肆。
田少最鍾意滿福樓嘅叉燒和燒乳鴿，當中叉燒燒得特別靚，外脆內軟，外面嘅皮燒到燶燶地、脆脆地，內裏肉質既juicy又鬆軟，食落好甘甜，令人回味無窮。不過因為年紀和膽固醇關係，田少話現在會選擇食「半肥瘦偏瘦」叉燒，聽落好刁鑽，所以就要考考燒味師傅嘅斬叉燒工夫嘞。
卓妮
