好多人都話一個成功男人背後需要一位賢內助打點，計卓妮話，仲要袋住一支流暢「大班」筆才夠完美。
卓妮早排喺馬場見到應家柏，見佢袋住支MONTBLANC，佢話支墨水筆係朋友送，唔知幾多錢，不過佢好鍾意呢支墨水筆，因為寫出嚟嘅字好優雅，好有品味。
卓妮欣賞完應家柏支筆，轉頭撞到胡關李羅律師事務所高級合夥人馬豪輝，原來佢都袋住支MONTBLANC原子筆，又係朋友送，街價要成六千幾元。
卓妮又喺一個晚宴見到陳仲尼（Rock），佢都袋住支MONTBLANC，但阿Rock話支筆係自己買，佢用咗呢個牌子十幾年，屋企有六、七支，貪佢出墨順暢兼好寫；阿Rock仲甜絲絲話，老婆知道佢鍾意呢個牌子，有年生日仲送咗支畀佢。
MONTBLANC首個系列1909年推出，以不留污漬成名，十多年後，品牌再推出大班系列，不少大商家同政客簽署重要文件時，都會攞住呢支「大班」筆。
卓妮