炸臭豆腐好多人食過，但正宗又美味嘅炸臭豆腐就好難搵到，除非識窿路。本身係寧波人嘅青年事務委員會主席李宗德（Joseph），全力推介中環德己立街寧波旅港同鄉會嘅炸臭豆腐，佢話啲豆腐夠晒臭，炸到外脆內鬆，脆外皮與內裏豆腐肉分開，大大增加口感，而且一啲都唔油膩，仲建議進食前最好蘸上辣椒醬，辣味可令臭感倍增。
Joseph搵炸臭豆腐搵到去寧波旅港同鄉會，皆因可尋回昔日情懷。Joseph憶述，當年中小學都係讀喇沙，學校附近有小販擺檔賣炸臭豆腐，一輛改裝手推車盛載兩個大油鑊炸臭豆腐，臭味誘人，吸引佢經常買嚟食，可以講係由細食到大。可惜依家買少見少，能夠在同鄉會搵番當年風味實在難得，所以去同鄉會食飯，例必點個炸臭豆腐。
卓妮