近年陸續有舊區進行環境改善工程，惟工程一旦欠善將適得其反。市區重建局正於大角咀櫸樹街展開活化工程，重鋪路面後竟出現路面不平情況，鄭先生便於日前橫過馬路期間險被絆倒，「嗰度好多人過馬路，但係條路鋪到一撻撻，一個唔留神掛住睇車就好易仆親！」
市區重建局發言人指出，櫸樹街一帶活化工程預計於明年初完成，接獲路面破損不平的投訴後，已即時指派工程承辦商修復路面。
不過，油尖旺區議員陳文佑指曾接獲居民反映路面不平而絆倒個案，直斥市建局不負責任，「好心做壞事」累及街坊，「好多居民都係經嗰度入附近商場，但市建局淨係識使錢，完全冇留意工程質素，路政署又冇做好監督工程角色，搞到啲工程唔做好過做！」
