旺角花園街市政大廈圖書館及自修室不設洗手間，市民需前往體育館內使用洗手間，惟每月首個及第三個周一，洗手間都會由早上至下午封閉共六小時作大清潔，令吳小姐大感不便，「有乜理由同一時間封晒？所有人都要走去三樓熟食中心嘅洗手間，咁大個部門點解做嘢都唔可以規劃好啲？」
康樂及文化事務署發言人指出，體育館慣於場地保養日作例行檢查、維修及清洗，以徹底清潔及消毒更衣室及洗手間。在暫停開放期間，市民可使用大廈地下、一樓及三樓洗手間。
不過，油尖旺區議員陳文佑指花園街市政大廈使用者眾，尤其考試季節更曾接獲不少學生投訴，指洗手間封閉引起不便，「點解唔可以調配人手，分開時段或日子做清潔？康文署啲官淨係顧自己方便，完全冇理過市民感受！」