「咁揼法真係好嘥」
近五十歲的方太患有乳癌多年，一直在威爾斯親王醫院接受治療，早前醫生建議服用自費標靶藥物以控制病情，方太指有關藥物不但昂貴，醫院的規定更令她大感苦惱，「每次一開（封）就係四百四十毫克，要成萬五蚊，但我只係用得三百幾（毫克），剩番嘅百幾（毫克）就咁嘥咗，嗰度都差唔多成五千蚊！」方曾一再向醫生反映，惟院方一句「藥物政策」便將她拒諸門外。
方太其後向病友打聽，得知瑪麗醫院有儲藥制度，可將用剩藥物儲起留待下次使用，但只為期一個月。方太遂轉往瑪麗求醫，可惜仍發現制度未完善，「係就係有得留藥，但因為個病時起時落，唔舒服就會打唔到（針），打唔到又唔可以留番或者畀其他人用，結果啲藥又係嘥咗！」早前方太便曾因身體不適，不能注射藥物，但因藥物已告開封，最終便「眼白白」看着逾萬元的藥物遭扔掉。「我真係覺得醫管局唔理你死活，啲貴藥已經要病人自己買，又唔係人人都買得起，點解要咁樣嘥法？」
香港醫院藥劑師學會副會長崔俊明指藥物開封後，因易受污染，為免影響病人生命，醫院及藥劑部門一般不建議留用有關藥物。不過，崔亦不諱言，「喺病人嘅角度，留藥係無可厚非嘅，加上啲藥咁貴，成日咁揼法真係好嘥！」崔建議醫生應就病人使用量處方，如使用較少劑量藥物，令病人配藥更具彈性，減少浪費。
拒絕訂立儲藥制度
「啲自費藥物咁貴，唔應該嘥咗，醫管局開藥畀病人之前應該多啲為病人着想，而且冇理由有醫院可以留（藥）、有啲又唔得！」社區組織協會幹事彭鴻昌稱，過去亦曾接獲類似投訴，不少病人均指醫生處方的癌症藥物，即使為未開封的藥丸，醫院亦拒絕回收，不滿公立醫院各自為政，罔顧病人權益。
醫管局發言人重申，抗癌藥物屬高風險藥品，必須謹慎處理，以保障病人安全，故不建議分享瓶裝抗癌藥物。但發言人又承認，個別醫院藥房亦會因應個別病人用藥情況和需要作特殊安排。而醫生亦會按實際情況，處方合適包裝劑量藥物。
■記者 徐曉敏