01/09/2009

播放本新聞相關短片

政情：卿姐喪踩盧奕基兜圈死撐

前幾日立法會議員劉慧卿去信保安局局長李少光，狂數佢個政治助理盧奕基無料到，對禁毒政策一問三不知，要求當局交代原因，搞到盧Sir好尷尬。尋日盧Sir喺個活動畀人追住嚟問，大家問佢點睇議員批評，又問佢喺禁毒政策有乜角色，佢竟然大話西遊講到社署角色，仲話佢作為保安局一員，係協助宣傳、教育同執法；至於幾時回信畀卿姐，佢一時話係保安局局長辦公室負責，一時又話件事上周三發生，到依家都唔係好耐、處理緊，真係撐船撐咗出海！