魚缸搬去地鐵？

位於「金魚街」的海港錦鯉中心專賣魚糧及魚缸，職員陳先生批評計劃未有顧及商戶。他稱，「賣衫同手袋就話搞行人專區有用啫，但我哋一包魚糧十五公斤，如果連車都入唔到嚟點搵食？唔通叫個客自己托住啲魚糧、四十吋魚缸行去地鐵站咩。」他又狠批政府「搞亂檔，封路一封就年半，真係做嘢就只得三個月。」

於花墟道有多間分店的繽紛園藝市場經理高小姐則指，改善工程進行期間，對店舖運作必有影響，如上落貨等，但相信當局會分階段進行，影響只屬短暫，展望將來必可吸引更多市民遊覽光顧。太子花店職員葉小姐期望加建行人路簷篷，令市民逛得更舒服。「波鞋街」高峰體育用品分店主管鄭先生謂，市民逛旺角是貪「夠逼同舊」，美化後恐客戶群有轉變。