蛇竇蛇王長揭長有！位於大坑布朗街的垃圾站，每日約有二十名食物環境衞生署職員工作，但有街坊發現垃圾站工人長期工作懶散，不時路經均目睹工人並非工作，而是「傾偈」兼「瞌眼瞓」，令垃圾站變蛇竇，有「睇唔過眼」的街坊說：「今時今日咁歎嘅工，我都好想做！」立法會議員狠批食環署多年來一直未做好監管工作，令員工蛇王陋習經年未改，促食環署署長主動跟進並作交代。
居於布朗街垃圾站附近的李小姐發現，垃圾站工人工作態度散漫，「唔係瞓覺就係傾偈」，更幾乎日日如是，「朝朝十點左右喺露台望落去，都見到佢哋（食環署職員）喺垃圾站傾偈，一傾就成兩個鐘，之後就成班去食飯，再掃兩個鐘地就可以收工，咁歎嘅一份工，我都想做！」另外一名街坊王小姐亦有同感，「我日日都見到佢哋（食環署職員）圍埋傾偈或者瞓覺，出面（垃圾站）堆滿晒垃圾都冇人理！」
圍埋傾明星動向
記者了解垃圾站蛇竇情況期間，發現早在九時許，已有一名身穿制服的女工在垃圾站內的「大班椅」上睡覺；沿垃圾站走向毗鄰的公廁時，亦見廁所內有女工在儲物室內呼呼大睡。直至十時半左右，垃圾站內的女工終於「瞓醒覺」，並與站內四、五名同事「傾閒偈」，不時更傳來陣陣笑聲，傾談內容包括街市行情與明星動向等。
然而，此時來自四方八面的垃圾陸續送抵垃圾站，令站外垃圾堆積如山，惟職員仍繼續高談闊論，未有即時處理。至近十一時半，多名職員分別聯袂前往午膳，至近下午一時許才大搖大擺返回垃圾站，重回本身崗位，正式開始工作。
欠監察變蛇王署
「咁多個政府部門，以食環署蛇王嘅比率最高，佢哋（食環署）好應該諗吓係咪人手太多，定係高層唔做嘢！」城大專業進修學院首席講師宋立功炮轟食環署對員工欠缺監察，加上管理體制存在問題，令部門變成「蛇王署」。
立法會食物安全及環境衞生事務委員會主席李華明則直指食環署陋習多年未改，「食環署有九千個員工，雖然係樹大有枯枝，但都應該有上司監察，到今日仲發生咁嘅問題，明顯係監察有漏洞！」李促食環署署長能跟進事件，免令情況惡化。
面對如山鐵證，食環署發言人仍一一否認，並稱接獲投訴後曾多次派員突擊巡查，並無發現該署或承辦商員工有違規或疏於工作的行為。倘一旦發現有員工違規，將按紀律程序或合約條款處理。
■記者 徐曉敏