肥亨憶述，當年在油麻地一間中學做兼職教師，有次上堂遇到個學生無帶書，問佢點解？點知畀個學生窒番轉頭話：「我無錢買書囉！」肥亨於是叫個學生出去問人借本書上堂，結果一去無回頭。放學後，肥亨一行出門口即刻被一班學生圍住，質問佢點解唔畀學生上堂。肥亨話：「當時我得廿歲，只係大過啲中學生幾年，畀人圍仲唔腳都軟埋咩！」

最後經過一番唇舌解釋後，佢先至甩到身。事後肥亨踩上個學生屋企，了解學生家庭環境，事件才圓滿解決。其實肥亨想帶出一個訊息，就係做老師一定要關心學生，了解學生背景和狀況，然後循循善誘教導。他又勉勵學生努力讀書，唔好掛住打機，打好基礎，將來才能教好啲學生。

有在場學生旁敲側擊問肥亨，作為老師如何挑選班長人選？又問佢係咪支持普選特首？轉數超快嘅肥亨就話，如果選班長，民選會好啲，因為大家有得參與，有滿足感；如果選出來嘅班長都在上堂掟蕉嘅話，咪自己承擔後果囉！至於特首普選問題，佢就話「不在其位，不謀其政」唔評論嘞！