疑兇姓梁（廿七歲），乳名「傑仔」，與六十五歲父親同住景華樓B座三樓一單位，而梁父早年與妻離異。昨午四時許，疑兇被黑布蒙頭及鐵鏈鎖手纏腰，由探員押返兇案單位重組案情，鑑證科人員亦到場蒐證，檢走疑兇部分衣衫化驗。

曾將父趕出門

鄰居表示，梁父居住上址十多年，與兒子關係素來惡劣，父子時起爭吵，不時見兒子爆粗責罵，甚至將父親趕出家門。

另外，據消息稱，傑仔雖有一份送石油氣工作，亦有清潔兼職，但收入不多，不時向父攤大手板，但梁父經濟拮据，時為錢爭吵。上周五晚八時許，父子又疑為錢發生爭拗，梁父不禁揶揄：「搵得咁少錢，無鬼用……」

豈料梁父突然被人盛怒下推跌，頭部撼硬物流血，其後，梁父負傷上床休息，傑仔亦呼呼大睡。至前日早上八時許，傑仔赫見父親昏迷，始知事態嚴重，報警將父送院，惟傷重不治。傑仔被帶署，有人在探員詰問下將案情和盤托出，傑仔涉嫌謀殺被捕。