其實早前已傳出Betty覺得新聞處處長嘅工作太纏身，要廿四小時Stand-by，搞到畀囡囡詐型，話佢係成間學校唯一唔湊囡囡返學嘅媽咪。為咗兼顧屋企、做番個比較稱職嘅媽咪，Betty主動要求調職，最後如願調離新聞處。尋日揭一揭最新政府憲報，發現Betty喺宣布調動前一日（七月二十日）已經開始放假，仲足足攞咗一個月假，八月十九日先會返工執埋啲手尾，同埋處理交接嘅工作。放番個悠長假期陪囡囡放暑假，睇怕Betty對囡囡都算有個交代；做官做到好似佢咁，認真係羨煞旁人！　

嚟緊食物及衞生局、商務及經濟發展局同財經事務及庫務局三位局長都分別放假，要由副局長署任。一班高官平時唔係受靶就係要拆彈，爭取時間去抖吓氣都好應該，但願喺各副局長署任期間唔好有咩特別嘅事發生啦，否則大家驚過佢哋！