本文重點
【本報訊】因丈夫爭產而曝光的譚妙清，由隱形富婆頓成名太。原來譚中學畢業後，曾在前油尖旺區議員秦飛鵬的旅行社做過票務文員，因勤奮儉樸，深受老闆賞識，因旅行社人手緊張，譚妙清被臨時調派帶團，因此邂逅團友陳振聰，二人迅墮愛河，陳則常到旅行社接女友放工，譚婚後更婦隨夫貴不用再打工。譚在旅行社的舊同事笑言，「人哋依家咁有錢，我仲係咁窮，真係要檢討吓。」
「阿清知慳識儉」
現年四十六歲的譚妙清，洋名Marilyn。在認識陳振聰前，曾於前區議員秦飛鵬開設的旅行社任職票務文員。據譚的舊同事憶述，在八六至八七年間，譚到位於旺角的旅行社見工，由秦飛鵬面試及獲聘，主要負責商務訂票，同事都叫她阿清，「佢性格幾好㗎，又勤力又有責任感，間中都會加班，佢同成班同事都相處得幾好，公司得十幾人，我哋好似一家人咁㗎！」
該名舊同事說，阿清知慳識儉，打扮非常樸素，間中帶飯盒做午餐，老闆見她好幫得手，有時會請她到附近酒樓吃午飯。因旅行社經常有平價旅行團益員工，阿清間中會帶母親和家人一起去遊埠，「佢同屋企人關係好好，一家人好開心。」
「有一次公司唔夠人帶團，佢臨時幫手帶團，識咗團友陳振聰就開始拍拖，之後陳生成日都上嚟接阿清，佢（陳振聰）分人好健談，成日撩老闆傾偈，個樣好誠懇，老老實實咁，但未聽過佢講風水。」九二年，阿清與陳振聰結婚，當時老闆曾嘗試挽留阿清，但得悉她找到好歸宿，亦為她高興。