昨日在庭上講到陳振聰與龔如心親密關係時,因涉及私隱,問答間都用字謹慎,華懋律師駱應淦向陳振聰提問時,都只着陳自己看文件,而陳亦只以「嗰件事」作回應。駱在庭外被問及此事時,未有明言是否為尊重龔如心。
駱應淦昨讀出陳振聰的抗辯書,當中陳提到自九二年九月開始,與龔如心有親密關係。但陳振聰在庭上更正指,他與龔的「第一次」,應發生在九二年四月三日晚上。
「我哋係咪似乎過咗火」
陳稱,與龔如心相識後不久,便跟她說:「我哋係咪似乎過咗火呢?」,之後便避見龔如心,陳稱:「我哋原本晚晚十一點見,但響嗰幾晚冇見……係最想分開嗰幾日。」陳又說,根據他的行事曆,他應該在四月三日前的三天沒有與龔在一起。
陳續稱,當他與龔分開三天後,龔便致電給他說:「我哋冇見好耐,要見面啦」,他遂於當晚九時與龔見面。陳振聰在供詞中提到,「我決定不再與如心見面,不過如心隨即打電話給我,要我到她的住處去,我決定跟她說清楚我的憂慮,如心回應時有點淘氣,有點深情款款……」,陳又補充:「之後我哋就發生咗『嗰件事』。」
龔如心15年後同日病逝
駱應淦質疑陳振聰,為何如此特別的事件,他對發生的日期卻記憶模糊,陳趕緊回應:「因九二年九月我哋好熱烈,我晚晚響佢度住,晚晚都發生『嗰件事』,所以記錯咗係九月開始。」
另一方面,陳振聰在庭上提及與龔如心發生「第一次」是九二年四月三日,而巧合的是,龔如心於十五年後的○七年的同日病逝,故之後四月三日成為龔的死忌。
此外,提到當年陳振聰陪龔如心到西貢滘西洲洪聖古廟參拜,並拍下錄影帶。駱應淦問陳:「你清楚知道今次去廟嘅目的,係王太求神祈求王德輝返嚟,而你按照你嘅承諾去幫佢。」
求神作證 被指捏造
但陳否認:「絕對唔係,今次係為咗我哋兩個,拜神有佢特別意義,我哋拍低佢,因為我哋響埋一齊之後,無人可以做證人,所以我哋去拜神,買啲酒去飲吓,話畀洪聖爺聽我哋響埋一齊。」陳又說,梁錦濠介紹地處僻靜的洪聖古廟,目的是:「唔想我同Nina去時畀咁多人睇到啫。」
影帶又顯示,龔準備上香期間說:「嘩!少咗一支嘅,呢度得四十八支嘅?」,又說:「老竇,你點香」,陳答:「我會嘅㗎啦,你點先,我會計準啲時間。」駱應淦質疑陳振聰是擇吉時及做一些儀式。但陳否認,辯稱是計算錄影時間。
駱應淦質疑陳在其五份供詞中,均無提及此行是有找洪聖爺作證,認為只是陳捏造出來。但陳反駁:「咁律師無叫我講原因嘛。」駱遂指:「但嗰個係你嘅律師喎,又唔係ICAC同警察部盤你,你又唔係疑犯,係老闆喎」,陳即搶答:「唔係㗎,佢哋對我好惡㗎,同你問我無乜分別,尤其係我哋個女大狀呀」,駱即笑稱:「我嘅建議係你千祈唔好炒佢哋。
案件編號:HCAP 8/2007