該段片長僅四十五秒的「大膽車」短片於四日前（周三）被上載至YouTube分享網站，甫開首見到一名身穿黑色Ｔ恤戴有鴨舌帽的青年坐在巴士司機位，在一把畫面外的男聲叫「行啦」後，青年即啟動巴士徐徐駛出巴士坑，向前行了七、八秒。

反手扣盤風琴腳畀油

就在巴士準備第一次右轉時，車上最少兩把男聲夾雜緊張地教路：「嘩喺！攞吖攞吖（攞軚）！……遲咗！」、「你唔好咁激呀？大佬！」；只見青年手忙腳亂扭軚右轉，短短數秒間驚險百出。片段至約廿五秒時，巴士第二次右轉，此時車上的男聲更緊張：「攞吖攞吖攞多啲！」、「嘩嘩嘩嘩嘩！」、「回吖回多啲！」巴士短暫前後又再右轉駛回巴士坑，車上聲音又說：「好攞！夠㗎啦！回吖！好！」巴士終停下來，此時車上人發出笑聲。

短片惹來網民熱烈討論，有網民稱駕駛者駛車時反手手指扣住駕駛盤，交叉手兼「風琴腳畀油」，明顯是無牌人士偷揸巴士，並估計是巴士迷。另外，片中巴士繞圈期間見到路旁建築印有九巴標誌，網民「通宵綠小」分析指該處是旺角東站，附近小巴站泊滿車，顯示拍攝時間是凌晨時分，被攝巴士有八達通機，收銀處掛有分段收費表，巴士前門落車，幾乎肯定涉事巴士屬N293線。有網民亦認出巴士駛離N293/93K巴士坑後，再繞回原處。

汽車交通運輸業總工會九巴分會部分會員司機看過短片後直言，根據坐姿及手勢，駕駛者無任何駕駛巴士經驗，肯定有人揸大膽車，亦認為涉事地點是旺角東港鐵站。

九巴：倘確認會報警

工會第一副主席鍾健華說，要啟動九巴，必須有車長車匙開關引擎及懂得開電力總掣，非一般人懂得，片中明顯有人犯法，若涉及車長違規，公司最嚴重更可解僱他作處分。

九巴發言人表示，無法確認有關巴士及片段中人士是否屬於九巴，但強調只有獲公司授權員工才可駕駛九巴巴士，否則即屬犯法，惟最近未有接獲巴士失竊報告，如有發現，會報警處理。警方發言人表示，正了解事件。