煲呔曾尋日宣布，下個月開始卅四個問責官員齊齊減薪百分之五點三八。雖則話係自願減薪，但有邊個打工嘅想減人工？有份減薪嘅商務及經濟發展局局長劉吳惠蘭尋日喺立法會開完會話，減薪對佢當然有影響，但有晒心理準備。至於減幅係咪太少，劉太即時撻着政務官思維，話調薪問題長遠需要有機制，唔可以隨意決定，譬如由一個委員會研究。既然叫得做問責官員，同公務員自然有別，唔通佢想整番個論功行賞機制？若然係咁，成班問責官員咪可能要大減薪？