位於南葵涌、荃灣、屯門、沙田、上水等五個公共圖書館，近日不約而同被「瞓晏覺黨」進駐，每日午飯過後，各個圖書館內，總會「有三幾個瞓喺你左近」。
窗台當枕頭 日日嚟歎冷氣
經常到上水公共圖書館借閱圖書的黃先生發現，每逢中午時分，瞓晏覺黨便會出動，「啲人會揸住本書扮睇書，實際上就喺度瞓覺，好多時仲扯晒鼻鼾，所以多數冇人會坐佢哋隔籬！」黃指，這批「讀書人」一般只會逗留約一小時便離開，黃為有關時段未能使用設施的市民大感不值，「呢班人來來去去都係嗰幾個，幾乎日日都嚟瞓晏覺歎冷氣，對其他想睇書嘅人好唔公平！」
經過記者實地查證，發現上述各圖書館內瞓晏覺者大不乏人，其中又以屯門公共圖書館情況最為嚴重，有人將窗台當作枕頭，嘴巴半開之餘更不住打鼻鼾，亦有人索性脫下拖鞋，旁若無人大覺瞓。記者視察近大半小時期間，圖書館職員只埋頭整理書架，對身旁好夢正酣、大扯鼻鼾的瞓晏覺者視若無睹。
沙田重災 等開門揀靚位
沙田公共圖書館逢周四會於中午十二時才開放，開放前例必大排長龍，但記者發現，部分排隊人士原來只為爭先搶奪僻靜座位，不少人在書架取走一至兩本書後，便會「扮睇書大覺瞓」。至於南葵涌、荃灣及屯門各圖書館情況亦大致相若。
「依家仲係考試季節，係使用圖書館嘅高峰期，竟然有人霸住啲位嚟瞓覺，康文署點可以坐視不理！」立法會民政事務委員會委員陳克勤促康文署提醒前線人員多加留意，加密巡查次數，同時張貼告示呼籲使用者切勿濫用座位。
沙田區區議員姚嘉俊指出，本港地區圖書館嚴重不足，其中沙田更屬重災區，「成個沙田有六十萬人口，但就只得三個圖書館，依家仲畀啲人濫用座位嚟瞓覺，真係離晒譜！」姚認為康文署有責任杜絕濫用資源，如將分散的座位集中同一區域，方便職員留意，並於座位加設使用時限等。
康文署發言人承認，上水及屯門等公共圖書館使用率高企，為確保讀者善用圖書館設施，已安排職員每隔半至一小時巡察，勸阻讀者切勿睡覺，接獲投訴後已安排職員加強巡察。
改七天開放 無添人配合
香港公務員工會聯合會主席梁籌庭指出，康文署轄下圖書館於今年四月推行圖書館七天開放政策以來，一直未有相應增加人手，「前線員工處理借書還書、執書架，分內事都未做得掂，根本唔得閒理有冇人瞓覺！」梁指出，為配合七天開放，現時前線員工上班安排大亂，例如須調更至連續七天工作，或將用膳時間調至當值前後等，令前線員工士氣低落。梁直指現有人手編排已出現「十個煲九個蓋」情況，要求康文署增聘人手，否則圖書館的秩序將會繼續惡化。
■記者 馮國豪