按現行法例，如僱主要與外傭提前解約，須按合約提供一個月通知或代通知金，外傭亦必須在十四天內找到新僱主，否則要回鄉。

訴訟期短暫留港禁搵工

如雙方正值法律訴訟，入境處一般會讓外傭以訪客身份短暫留港，但期間不許找工作，如聆訊日子與十四天期限相差太遠，則多不批准留港。

Mildred經常流連元朗及天水圍拾荒，元朗區議員周永勤指，會四出尋找對方下落提供協助，他批評當局：「咁人哋靠乜維生，積蓄冇乜，又唔可以攞綜援，惟有靠自己、靠同鄉，依家法例所限好唔公平！」

立法會議員李卓人亦批評，十四日留港期限沒有需要，「只要證明到佢哋因為畀人欠薪同僱主不法行為等緊打官司，就應該畀番佢哋搵新工，根本不存在黑工問題！咁做反而逼到外傭有心理威脅唔敢告（僱主）！」

李又指，現時只有慈善團體及教會等願意開辦宿舍收容無家可歸的外傭，但該等宿舍往往資金匱乏且經常爆滿，政府應該提供資助，「佢哋對香港經濟都有貢獻，又唔畀轉工，又無援助，同孤兒仔無分別！」