政情：鄧爾邦執定包袱知難而退？

審計署揭發平機會主席鄧爾邦將平機會視為私人王國，外訪時入住大使套房、同職員飲茶灌水都開公數，又用公帑買成七百萬保額嘅人壽保險等等，結果被批亂花公帑。負責管平機會嘅政制及內地事務局局長林瑞麟講明，鄧爾邦約滿後，就會公開招聘新主席。可能鄧爾邦深知自己冇得留低，所以尋日出席完立法會政府帳目委員會後，被問到會否爭取角逐連任時咁講：「五年喇，要有新思維，新作風……我都成七十歲喇。」言下之意準備執包袱走，莫非知難而退？

直擊人類豬流感最新疫情
詳情瀏覽on.cc《奪命流感》