政情：無聊試熱線政府竟信到十足

食物及衞生局呢兩日不斷呼籲接載過確診豬流感墨西哥遊客嘅的士司機盡快與局方聯絡。尋日就有一個自稱係該的士司機嘅姓張男子打電話向局方「投案」，不過佢好快就改口風話自己並唔係當事人，打呢個電話只係想測試吓熱線，事後警方就以涉嫌浪費警力將呢位仁兄扣查。查實喺呢個非常時期，大家應該同心抗疫，都唔知點解仲會有人咁無聊去玩電話！不過政府問都唔問清楚就信到十足，做事低能到呢個程度一樣係唔抵幫。

直擊人類豬流感最新疫情
詳情瀏覽on.cc《奪命流感》