四十五歲的阿炳，去年十一月因中風致右邊身體失去活動能力，語言能力亦大受影響，只能說出有限單字，執筆書寫更是遙不可及的事。其兄阿華稱，經過數月治療，阿炳的情況未有顯著改善，但卻遭醫院下「逐客令」，並着家人安排阿炳入住老人院。
竟要求癱漢親簽授權書
阿華向院方查詢胞弟被要求出院原因，但遭院方拒覆，阿華遂授權本報向醫院查詢詳情，惟九龍醫院卻以「授權書無效」為由拒絕回應，令阿華為之氣結，「佢講唔到、郁唔到，你叫佢點簽？又話淨係會同我細佬交代，分明係強人所難！」
其後該院職員竟硬將回覆塞到阿炳手中，向阿炳拋下一句「依家覆咗你啦」便離開，完全沒有理會當時正在阿炳身邊的阿華。更離譜的是該回覆竟着病人「自行決定是否與令兄或《東方日報》分享」。阿華說：「嗰日我企喺細佬隔籬，佢哋都唔將張回覆交畀我。」
全民監察醫管局小組召集人馮宜亮批評院方做法欠妥當，「醫院如果覺得屋企人唔適合處理病人嘅嘢，就應該搵醫生或者社工評估，循正式渠道去搵個合適嘅監護人。」
「家屬見醫院唔答就搵傳媒，有人見傳媒查問，可能擔心有冇錯都會見報，或者因為咁所以選擇唔講。」病人互助組織聯盟主席張德喜亦認為，醫院的做法「有少少過咗龍」，並指家屬需要照顧病人，有必要詳細了解病人的病況。
法律界人士指不合邏輯
法律界人士黃國桐指出，作為近親的兄長需照顧將出院的弟弟，了解其病況合情合理。醫院拒絕回覆病人家屬，將覆函交予病人的做法更加屬「無厘頭」及「不合邏輯」，「我哋尊重私隱，但都要適量調節，親人要知病人病情好正常，唔係濫用。又唔係拎佢（病人）銀行啲錢，下下要使兩、三萬蚊去高院申請保護令係畫蛇添足，亦唔係個個負擔得起。」法律界人士梁永鏗亦指家人有權了解病人情況，醫院的做法「講唔通」。
對於九龍醫院被指處理僵化，醫院管理局發言人未有正面回應做法是否恰當，只表示在一般情況下，公立醫院必須獲得病人親身簽署同意授權書，方可以向第三者披露該名病人的個人資料。不過，對於本報過去曾多次獲病人親屬授權，均能成功向各公立醫院查詢病人情況一事，發言人則未有評論。
記者 莫麗珊