違例廿年僭建物拆卸重建，屋宇署仍置諸不理！有市民在八九年已就一個僭建物向屋宇署舉報，但署方指僭建物未有即時危險而不予取締。即使僭建物最近拆頂、拆窗重建，該署仍指只屬維修拒絕處理。建築專業人士踢爆，該僭建物明顯是重建而非維修，直指屋宇署的解釋於理不合。立法會議員狠批屋宇署拖足廿年未有執法等同縱容，要求交代。
屋宇署現行處理僭建物政策，只會優先清拆有即時危險、新建或個別大違規僭建物，被評為沒即時危險的僭建物多會「放生」。居於沙田大圍的陳女士（假名）向屋宇署投訴居所附近一個僭建物近廿年，「八九年開始投訴，當時話冇即時危險叫我等，到依家成廿年都未拆！」
今年初，陳發現僭建物終於清拆，「見有工人拆晒所有嘢，點知原來係重建！」陳即時向屋宇署提交僭建物由拆卸至搭棚重建的照片舉證，但屋宇署竟指工程是維修而非重建，拒絕取締。
助長竊案歪理卸責
根據陳提供的照片顯示，僭建物在今年二月七日仍然原封不動，但於二月九日開始動工清拆頂蓋、橫樑及窗框；三月初搭棚，未幾新頂蓋便告建成，並髹上一層黑油，僭建面積約七十平方呎。陳不滿地說：「僭建物個頂積水唔在講，九七年有街坊畀人喺（僭建物）個頂度爬入屋爆竊，○六年又試過火燭，屋宇署擺明係縱容！」
有建築業人士了解詳情後，認為有關工程明顯不屬維修，直指屋宇署的解釋不合常理，「呢個個案一定唔可以叫維修，因成個僭建物主要部分係個（屋）頂，但個頂同啲支撐槽鐵（橫樑）全部拆晒，仲換過其他物料重新起過，所以係重建或改建。」他補充，屋宇署若證明建築物屬僭建即代表違規，「佢（僭建）一直唔郁就冇辦法，但咁樣拆晒，冇可能仲畀佢起過。」
堅拒執法議員狠批
立法會房屋事務委員會委員黃國健批評屋宇署處理僭建物慢手慢腳，才令「拆完再建」事件出現，「僭建物已經係違規嘅，即使維修都唔啱，居然畀佢起過就係一錯再錯！」
屋宇署發言人承認該僭建物屬違規，並於去年一月向業主發出「警告通知」，由於該業主沒有於限期內清拆僭建物，所以已將「警告通知」送交土地註冊處註冊（俗稱釘契），但仍指該僭建物不屬即時取締類別，故不擬採取進一步行動。
記者 李世華