龔仁心憶述，父親四九年逝世時他只有五歲，胞姐龔如心亦年僅十二歲。當年一月廿七日正值農曆除夕前一天，當時於英資油漆公司任職的龔雲龍離開妻兒，登上「太平輪」往台灣基隆途中，在舟山群島發生撞船，龔父在海難中喪生，終年四十五歲。
年幼喪父，龔家四姐弟妹患難見真情，「我媽咪帶住我哋四個咁困難，家庭成員中間嘅感情係特別深。」他說當時一家人在精神上支持母親，建立了非常深厚的感情，「如果唔係綑成一團，點過日子？」大家姐龔如心年齡比他們大一截，自幼懂得關心照顧弟妹，「我家姐對我又特別啲，點解呢？得我一粒仔嘛。」
他坦言，胞姐一直以來都對他好好，當年三番四次申請他從內地來港團聚，連他兒子的居港申請也是龔如心親自到內地辦理，「佢又好鍾意我，又好鍾意我個仔，又好鍾意我個孫，又對我地屋企好，成日都係咁樣，大家好熱鬧。」胞姐和姐夫王德輝婚後幾乎每星期都到他家，「佢最鍾意嚟我屋企食飯。」
離世前好似油燈
胞姐病重留院期間，龔仁心每天都到醫院探望，他痛心地形容胞姐離世前「好似點盞油燈咁，啲油逐步逐步燒乾咁樣」、「一啲一啲無咗能量」，「到後期嘅時候，講嘢都好少，唔夠力講嘢，最後一段時間佢好少講嘢，特別係主動講嘢更加少。」
當胞姐叮囑弟妹「要好好做落去」時，他沒有接話，「我哋都唔想佢走得咁早」、所以「一般嚟講我哋都絕對唔會喺佢面前提起呢啲身後事。」龔仁心說，胞姐安詳地在三代親人送別下離世，「我哋同佢嘅關係唔使講，佢臨走嘅時候都係我哋成家大大細細，連埋我九十幾歲嘅媽咪都喺佢身邊。」、「佢想嘅、佢所要見嘅人全部都喺佢身邊送佢走。」
對於王德輝曾在九○年的遺囑中提到「龔家嘅人令我好討厭」，龔仁心說他不清楚，「依家人都唔喺度啦，問唔到。」他強調過去與姐夫相處不錯，他是王所信任的人。龔又直言，照顧王廷歆「係應該㗎，不嬲都照顧緊，我哋公司一路都照顧緊。」他說，既然慈善基金會照顧沒有關係的長者，當然會照顧親人。