本文重點
【本報訊】爭產案期間爆出龔家「分錢」之說，龔仁心斬釘截鐵表明：「我點有資格，一個人話晒事，可以分啲畀你，分啲畀佢，唔好話餅仔呀，分粒芝麻我都唔會分啦！」他指受基金惠澤的包括內地及香港數以億計人口，「我算老幾呀？」更笑言給陳振聰的「零」條件可以加碼：「分到我手上，可能得一仙啦……如果我有一仙，我分一仙畀佢！」
龔仁心早前披露陳振聰兩年前曾主動向他提出和解，但被他一句「You Out ！零雞蛋，一毫子都分唔到！」回絕，他受訪時再憶述，當時甚至連仲裁人都指龔家無誠意和解最後不歡而散，「話我哋無誠意，因為我哋始終話零囉，零囉。」
任何人無權要慈善基金分錢
他強調，任何個人都無權要慈善基金分錢，包括他和龔家所有人，並說：「我覺得社會公益就係社會公益，係屬於每一個人，係你、我、所有啲人，大家都有份嘅……我依家冇聽過有邊個市民，冇一個老百姓，冇聽到一個人同我講，喂，你可以攞埋我個份都分畀佢（陳振聰）啦……如果我有份，我分畀你算啦！」