媽咪大日子全家食餐好

每年的母親節，大家都會揀定餐廳和媽咪慶祝，坊間不少餐廳推出主題大餐讓大家慢慢揀；外出用膳以外，大家當然可選擇在家開餐，柯打特色外賣，全家開懷擦餐飽，再齊齊切蛋糕，肯定可以氹到媽咪眉開眼笑！

各大餐廳食府紛紛於母親節推出主題套餐，無論是中菜、西餐、日本菜或法國菜都有得揀，有餐廳甚至讓媽咪免費用餐。想食豪一點，亦有餐廳供應矜貴的燕窩、鮑魚等菜式，可以說豐儉由人。

如果想一家人安坐家中用膳，外賣是個不錯的選擇。今年有不少餐廳推出的主題外賣別具特色，既有精緻美食盒，又有早餐自煮包，即食或自煮都無難度。

如果媽咪愛吃西式糕點，一個猶如繁花盛放的瑰麗蛋糕，相信能逗得媽咪展現燦爛笑容。日本過江龍蛋糕及和菓子連鎖店於5月1日至9日期間推出多款期間限定糕點，包括花盒蛋糕、士多啤梨蛋糕、朱古力梳乎厘芝士蛋糕及士多啤梨蒙布朗等，用上日本直送食材配溫馨粉紅色作主調，搭配繽紛色澤與唧花，帶來香甜好滋味。

尖沙咀一間五星級酒店高級中菜廳於5月1日至9日期間推出8道菜盛宴，菜式包括桃膠鮮蟹肉燕窩羹、XO醬蘆筍珊瑚蚌鮮蝦球、蠔皇6頭湯鮑伴香煎法國鵝肝等，矜貴又得體。（a）

巴西燒烤主題的餐廳於母親節當日推出自助早午餐及晚餐，最重要是媽咪可免費用餐！除任食沙律和前菜，主菜有烤牛臀排、側腹牛扒、芥末醃香草羊排和辣椒醃雞肉等，加指定價錢更可2小時無限暢飲，齊齊乾杯！（b）

灣仔一間意大利餐廳推出，盒子內有2隻烤春雞配薯蓉及烤時蔬、意式火腿及芝士拼盤、香蒜大蝦意粉及2件檸檬蛋糕，造型精美，一家人戶外野餐都無問題。（c）

精品肉店連餐廳的出品，內有煙肉、雞蛋、酸種麵包、Chipolata香腸、有機焗豆、車厘茄和白蘑菇等，仔女都可以下廚，齊炮製愛心早餐，畀媽咪慢慢歎。（d）

士多啤梨鮮忌廉蛋糕，配上日本士多啤梨及紅桑子和藍莓，如繁花綻放般的鮮忌廉唧花，繽紛搶眼。（e）

海綿蛋糕內含果肉的士多啤梨醬，加上比利時調溫朱古力，蛋糕味道層次豐富，香甜可口。（e）ELEMENTS

撰文：林佩婷

查詢：（a）2315 5222、（b）2890 9268、（c）2877 3999、（d）2325 8570、（e）https://bit.ly/2RNH5x4

媽咪大日子 全家食餐好