副刊
紅金眼鏡 「戴」旺全年
DITA Narcissus金色框配漸變黑色鏡片太陽眼鏡 $4,900（A）
不經不覺已經來到年初九，相信在一片喜氣洋洋氣氛下，大家的身心依然處於放假Mode。假如想將呢份輕鬆愉悅心情延續下去，繼續用喜慶感重的紅、金色配飾點綴一身造型，可能係唔錯嘅辦法！趁大家（逗）完利是，有錢冇碇使，立即送上各大眼鏡品牌今季推出的紅色或金色設計眼鏡及太陽眼鏡，等你可以揀番副嚟戴，靚住旺足全年啦！
鏡框加紅色 「紅」運當頭
紅色從來都不算是眼鏡設計的主流顏色，始終亞洲人普遍認為紅色比較適合一些喜慶場合，例如：農曆新年、聖誕節或婚禮，反正依家都仲係「正月」，又難得有多個眼鏡品牌今季齊齊推出鏡框綴上紅色細節的鏡款，大家不妨拋開「成見」，揀番副新眼鏡延續新春喜慶感覺。
歐美品牌力捧 紅色鏡片設計
JACQUES MARIE MAGE El Dorado舊化鈦金屬框配灰綠色鏡片太陽眼鏡 $11,080（A）
LINDA FARROW LEIF六角形金色框配淺灰色鏡片太陽眼鏡 $7,500（B）
除了用上紅色鏡框的光學眼鏡外，不少歐美眼鏡品牌亦經常推出採用紅色鏡片的太陽眼鏡。當中好似美國JACQUES MARIE MAGE及英國LINDA FARROW兩個時裝感偏重的眼鏡品牌，今季亦有相當出色的紅色太陽眼鏡登場。如果驚紅色鏡片太搶眼難襯？可以揀DIOR及GUCCI的漸變粉紅色及酒紅色鏡片，不過男士免問！
紅金雙鏡橋 創新易駕馭
JACQUES MARIE MAGE Arp紅色框光學眼鏡 $7,480（A）
999.9 M-73 玫瑰金框眼鏡 $3,580（A）
ic!berlin Westside紅色框拼金屬鏡臂光學眼鏡 $4,280（A）
WOLFGANG PROKSCH BK32紅色框拼金屬鏡臂光學眼鏡 $4,580（A）
JACQUES MARIE MAGE Harcourt玫瑰金色鈦金屬框配紅色鏡片太陽眼鏡 $7,980（A）
DIOR EVERDIOR金色框配漸變粉紅色鏡片太陽眼鏡 $3,400（C）
GUCCI金色框配漸變酒紅色鏡片太陽眼鏡 $3,040（C）
LINDA FARROW LFL1056鍍22K玫瑰金鈦金屬框配粉紅色鏡片太陽眼鏡 $6,300（B）
THOM BROWNE TB-015金色框綴紅色鏡橋配金色鏡片太陽眼鏡 $6,200（A）
ic!berlin Daiying L.金色框綴紅色鏡橋配粉色鏡片太陽眼鏡 $4,480（A）
MYKITA× LEICA黑色框綴紅邊配黑色鏡片太陽眼鏡 $7,300（C）
韓國天團BIGBANG隊長G-Dragon經常佩戴黑色框紅色鏡片的太陽眼鏡配襯造型。
同G-Dragon由細識到大的時裝模特兒李洙赫衣着口味亦相近，同樣愛黑框紅鏡款式。
想趁吓熱鬧入手紅色設計的眼鏡或太陽眼鏡，但又駕馭唔到紅色鏡框、鏡片款式？唔使擔心，揀番一啲鏡框有少少紅色點綴吓的鏡架一樣可以。好似德國ic!berlin及美國THOM BROWNE就同樣有雙鏡橋的太陽眼鏡款式，於上方的鏡橋採用紅色設計，與下方金色鏡橋形成對比效果，為這類Double Bridge鏡款帶來新意。另由德國眼鏡品牌MYKITA及德國相機品牌LEICA聯名打造的太陽眼鏡亦同樣用上紅色作點綴，於全黑設計的鏡架前框位置加入幼身紅邊細節，呼應LEICA相機招牌的紅點細節，低調得來不失時尚。
韓國Idol力撐紅色超
紅色太陽眼鏡其實都唔一定要農曆新年先啱戴，不少韓國人氣明星亦好鍾意佩戴紅色太陽眼鏡配襯造型，好似韓國天團BIGBANG隊長G-Dragon同埋時裝模特兒李洙赫，二人係由細識到大的好朋友，難怪連衣着品味都相當近似。
鏡架物料知多啲
要入手一副眼鏡或太陽眼鏡，除了要挑選品牌、款式及產地外，鏡架所用的物料是大多數消費者最容易忽略。基本上歐美日韓品牌超過9成俗稱「膠框」的款式都是採用醋酸纖維（Acetate）製作，當中只有小量日本品牌仍堅持採用賽璐珞（Celluloid），後者硬度、光澤較優勝，但顏色選擇較少及燃點低，兩者之間並無高低之分。
日本品牌金子眼鏡（KANEKO OPTICAL）推出的KC系列鏡架，全部均是採用賽璐珞（Celluloid）製作。
美國品牌DITA鏡架用料向來頂級，鈦金屬（Titanium）就是品牌經常使用物料，並會加入鍍金提升質感。
金屬架方面，鈦金屬（Titanium）算得上是中高價鏡架主流使用物料，擁有輕量、高強度、抗腐蝕及耐高/低溫多項優點。另外一些德國品牌則喜愛用上達手術刀級數的薄鋼（Steel）配合無螺絲鏡臂設計，創作出輕薄、堅固、具彈性及抗過敏鏡款，採用鈦金屬或薄鋼製作的鏡架普遍售價會比一般合金鏡架為高。
撰文：賴文曦
查詢：（A）2369 0111、（B）2878 8038、（C）2631 1881
副刊新聞