口罩升呢變潮物

N95變側孭袋？

誰說口罩一定係用嚟遮擋飛沫？由泰國行李箱品牌Pegasus Luggage所設計的「N95」，就係一款大尺寸（約62×38cm）側孭袋，可盛載各類雜物。袋子選用不織布和尼龍物料製造，備有黑、白兩色，用嚟配襯Casual Wear，實在相當不錯！

黑色袋款配上金色字體，型格十足。

側孭袋開口備有拉鏈設計，唯一缺點是欠缺內層間隔。

手機戴口罩？

抗疫嘅重點在於戴口罩，假如連手機都戴埋，又Work唔Work呢？手機專用嘅口罩暫時未有，但口罩圖案嘅手機殼已經面世，仲有粉紅、淺藍兩隻色，雖然無防病菌功能，但可以時刻提醒我哋戴好口罩嘅重要性。

網址：https://bit.ly/31WI4fD

手機殼嘅口罩紋理細緻，放喺口罩堆中，一時間都分辨唔到。

機殼採用透明全包邊設計，但目前只提供iPhone型號。

戴罩都可以演奏？

戴住口罩都可以吹奏樂器，係咪好神奇呢！呢款名為SilicaClean管樂器專用抗菌除臭立體口罩，嘴巴位開了一個口，方便吹奏樂器，加上設計透氣，長時間吹奏都唔會覺得辛苦。官方強調口罩可清洗後再用，但抗菌能力會因為洗得多而下降，有沒有過濾功能亦沒有明確表示。

網址：https://store.shimamura.co.jp/ec/cmShopTopPage1.html

隔住口罩飲嘢都冇問題啊！

口罩分黑、白、灰3種顏色，用抗菌消臭原料製作。

同場加映

珪藻土收納袋

喺可見嘅未來，相信戴口罩會變成着衫一樣，平常而必要，如何存放戴過嘅口罩先可以保持乾爽？喺日本流行嘅珪藻土，具有吸濕、除臭特性，而呢款口罩收納袋就用咗珪藻土加入再生灰嚟設計，只要將用過嘅口罩放入袋內，就可以回復乾爽，仲可以去除異味呢！

由日本珪藻土鼻祖品牌Soil推出嘅口罩收納袋，設計簡約。

內袋藏了珪藻土，可發揮速乾及除臭特質，令用過嘅口罩回復乾爽。

超迷你乾衣機

戴布口罩，梗係要頻清洗，但要喺短時間內弄乾，惟有出動乾衣機。由Thanko推出嘅桌上型乾衣機就幫到手，機身尺寸只有170 × 240毫米（直徑×高），重500克，非常輕巧，只需將想要弄乾嘅物件勾喺架上，蓋上機套就可以，仲設有計時器功能呢！

蓋上機套，撳個掣，衣物就會喺70℃嘅熱空氣中進行乾燥。

洗完布口罩、手巾、襪子等，可以快速吹乾。

網址：https://www.thanko.jp/shopdetail/000000003598

圖片：互聯網