慶祝50周年貼身感受《多啦A夢》魅力

講起《多啦A夢》呢套作品，相信無人不識吧！該漫畫於1970年1月在日本開始連載，今年正係50周年大日子，相關產品自然多不勝數，數當中重量級之選，莫過於意大利奢侈品牌GUCCI剛宣布推出聯乘包包，將多啦A夢嘅趣致與奢華品味結合！另外，亦有品牌將多啦A夢與另一夢幻角色Hello Kitty撮合出實用雜貨，仲有真係識得旋轉嘅竹蜻蜓亦啱啱登場，讓粉絲們可隨時貼身感受《多》嘅種種魅力。
雖然是次聯乘手袋由男性做模特兒，但其實男女都啱用。
雖然是次聯乘手袋由男性做模特兒，但其實男女都啱用。

貴氣之選！名牌包包可愛結合

女士們愛包包，當中意大利GUCCI絕對係備受追捧嘅品牌之一。啱啱該品牌喺網上舉行咗Epilogue系列嘅發布會，品牌繼之前推出過米奇老鼠及唐老鴨嘅聯乘款式後，今次則有日本國民動漫代表多啦A夢喺GUCCI旗下嘅GG Supreme Canvas包包上現身。只見包包有招牌嘅孖G圖騰配以朱紅色手柄，不過最精彩係有多個唔同表情及甫士嘅多啦A夢圖案，相信令唔少女士一見傾心。價錢及發售日期待定。

網址：https://on.gucci.com/30clgZR

印有多個多啦A夢嘅GG Supreme Canvas手提袋，既時尚又充滿趣致感覺。
  • 印有多個多啦A夢嘅GG Supreme Canvas手提袋，既時尚又充滿趣致感覺。

聯手出擊！跟 Hello Kitty出雜貨

喜歡破格及新鮮感嘅朋友，則可以留意人氣日本雜貨店ASOKO最近撮合多啦A夢及Hello Kitty，推出聯名商品ASOKO de DORAEMON HELLO KITTY。相關商品包括餐具、袋、雨傘、杯子、襟章、資料夾等共 53 種，有彩色主題嘅Kazuhiko Ifuku系列，也有黑白色調嘅Buggy系列，不過最正係兩大角色會交換配飾，多啦A夢戴上Hello Kitty嘅蝴蝶結，Hello Kitty則戴上多啦A夢嘅鈴鐺跟竹蜻蜓，非常特別。最重要係價錢唔貴，售價在¥150（約HK$11）至¥700（約HK$52）之間，入貨完全無難度！售賣地點為ASOKO原宿店、ASOKO LaLaPort EXPO CITY店及ASOKO河原町OPA店等6間店舖。

網址：https://bit.ly/2DiiXvk

彩色嘅Kazuhiko Ifuku系列，有多款可愛文具及雨傘。
  • 彩色嘅Kazuhiko Ifuku系列，有多款可愛文具及雨傘。
仲有多款杯、水樽、碟仔等等，滿足日常生活所需。
  • 仲有多款杯、水樽、碟仔等等，滿足日常生活所需。
黑白Buggy系列，適合較成熟嘅朋友。
  • 黑白Buggy系列，適合較成熟嘅朋友。

真係識轉！竹蜻蜓戴上頭

《多啦A夢》眾多法寶當中，竹蜻蜓嘅出場次數可算係名列前茅兼人氣高企，一直以來都推出過唔少相關頭箍產品，不過始終唔夠原汁原味，事關扇葉唔識轉！最近玩具品牌PROPLICA便滿足一眾追求高像真度嘅粉絲願望，推出扇葉識轉嘅竹蜻蜓！只見外觀比例相當不俗，僅需一粒3A電池便可驅動，重點係扇葉旋轉速度唔快亦唔慢，夠晒忠於原著。當然，你唔好以為戴上後可以飛上天，但感受一下戴住竹蜻蜓嘅滋味，或者大熱天時當係風扇為頭頂降降溫依然相當不俗。售價為¥2,500（約HK$185）。

網址：https://tamashii.jp/item/13222

PROPLICA剛推出嘅竹蜻蜓玩具賣相一流，更重要係扇葉識得旋轉。
  • PROPLICA剛推出嘅竹蜻蜓玩具賣相一流，更重要係扇葉識得旋轉。
附有頭帶讓你戴上，全高約310mm。
  • 附有頭帶讓你戴上，全高約310mm。

撰文：張超駿　

圖片：互聯網