夏日唔怕焗！風扇口罩涼浸浸

疫情一日未平息，我哋難免要口罩跟身。之但係於炎炎夏日長期戴住口罩，難免會焗到暈！不過辦法總比困難多，為咗令各位戴住口罩都可以抖順條氣，最近網上出現不少配備風扇嘅口罩，夠晒保護性嘅同時，亦可以享有絲絲涼意，喺炎夏戴罩都無有怕！
Bellelife推出嘅BLH-601風扇口罩，聲稱防菌及防病毒功能不輸N95口罩。
Bellelife推出嘅BLH-601風扇口罩，聲稱防菌及防病毒功能不輸N95口罩。

4層過濾！N95同級

喺日本購物網站可以搵到唔少風扇口罩，但大多數以防花粉及塵埃之類為主，所以呢款由Bellelife推出、聲稱防菌及防病毒跟N95口罩同級嘅BLH-601風扇口罩，自然要望多兩眼！備有4層過濾網，第一層防菌、第二層為活性碳Filter、第三層係HEPA Filter、第4層則係外裝不織布，既可以有效防菌，更有效隔絕99.97%直徑2.5微米或以上嘅懸浮粒子！風扇方面，內藏附有渦輪增壓器嘅摩打，可以源源不絕送上清新空氣，加上有排氣口設計，能將呼出嘅二氧化碳迅速排出。與臉部接觸嘅部分採用矽氧樹脂製造，既耐用又可拆出清洗。售¥5,990（約HK$437）。

內藏附有渦輪增壓器嘅摩打，源源不絕送上清新空氣。
  • 內藏附有渦輪增壓器嘅摩打，源源不絕送上清新空氣。
4層過濾網除咗有效防菌，更有效隔絕99.97%直徑2.5微米或以上嘅懸浮粒子。
  • 4層過濾網除咗有效防菌，更有效隔絕99.97%直徑2.5微米或以上嘅懸浮粒子。

眾籌超額！手機App操控

想要最新款風扇口罩嘅話，要留意日本Airwheel公司將推出嘅淨化空氣口罩AIR EXPERTS。之前佢搞眾籌，現時已超額30多倍！呢款口罩結合多個特點，首先佢配有用USB叉電嘅迷你風扇，可連續使用240分鐘。加上備有4層過濾網，直徑2.5微米或以上嘅懸浮粒子過濾率達99.9%，有效阻隔細菌、飛沫、花粉及灰塵。口罩更備有排氣口，避免自己呼出嘅帶菌空氣再度吸入。另可連接智能電話App，提醒你更換過濾網，以及喺跑步或踩單車等情況下自動調節合適風速（有三段可調校）。預定於6月尾發貨，每個售¥5,580（約HK$407）。

AIR EXPERTS口罩備有4層過濾網，直徑2.5微米或以上嘅懸浮粒子過濾率達99.9%。
  • AIR EXPERTS口罩備有4層過濾網，直徑2.5微米或以上嘅懸浮粒子過濾率達99.9%。
連接智能電話App，就會提醒你何時該換過濾網，以及喺不同情況下自動調節合適風扇風速。
  • 連接智能電話App，就會提醒你何時該換過濾網，以及喺不同情況下自動調節合適風扇風速。
用USB叉電嘅迷你風扇，可連續使用240分鐘，確保經常呼吸到新鮮空氣。
  • 用USB叉電嘅迷你風扇，可連續使用240分鐘，確保經常呼吸到新鮮空氣。

小童專用！動物風扇口罩

風扇口罩連小朋友都有份！喺日本購物網站搵到一款由品牌元氣推出嘅小童口罩型空氣清新機，採用4層過濾設計，第一層抗菌紙可100%過濾灰塵、口水、皮屑、細菌。第二層備有大粒活性碳，可隔絕96%臭味、廢氣、揮發性有機化合物等。第三層HEPA過濾網能夠把超過 99.7%、直徑2.5微米或以上嘅懸浮粒子阻隔。而第四層不織布則將細菌及水氣過濾。口罩內嘅小型風扇設有3段風力調校，經USB叉電可連續使用最多6小時。另外耳帶使用嬰兒用品同級嘅矽膠製造，不會引起皮膚敏感。加上有獅子、狼、老虎及貓圖案設計，小朋友實Like喇！每個售¥6,480（約HK$473）。

專為小朋友而設嘅口罩型空氣清新機有獅子、狼、老虎及貓等圖案，設計超可愛。
  • 專為小朋友而設嘅口罩型空氣清新機有獅子、狼、老虎及貓等圖案，設計超可愛。
口罩有四重過濾網，大部分有害物質如灰塵、口水、細菌、懸浮粒子等已被隔絕，吸入嘅空氣乾淨清新。
  • 口罩有四重過濾網，大部分有害物質如灰塵、口水、細菌、懸浮粒子等已被隔絕，吸入嘅空氣乾淨清新。
耳帶使用與嬰兒用品同級別嘅食用矽膠製造，不會引起皮膚敏感，而且緊貼面形，佩戴舒適。
  • 耳帶使用與嬰兒用品同級別嘅食用矽膠製造，不會引起皮膚敏感，而且緊貼面形，佩戴舒適。

網址：https://item.rakuten.co.jp/ans-s/mask_a2/

可洗可抗菌和紙口罩

市面上有唔少口罩，但日本巧流合同會社啱啱發表咗100%和紙製作嘅可洗口罩，值得大家留意！和紙以多孔性質嘅馬尼拉麻蕉作原料，除咗可水洗，抗菌作用比棉更高出約8倍，而且抗菌效果並唔會隨住洗濯消減。另外和紙可以阻隔89.2%嘅紫外線，而佩戴者面上亦Keep住清爽。每個售¥2,980（約HK$218）。現在預約可於5月18日至6月8日期間取貨。

網址：https://callkimono.base.shop/items/27632937

呢款口罩共有3款顏色，廠商建議使用中性洗衣劑溫柔地搓洗（機洗要用洗衣網及採用中等力度），並放於陰涼處晾乾即可。
  • 呢款口罩共有3款顏色，廠商建議使用中性洗衣劑溫柔地搓洗（機洗要用洗衣網及採用中等力度），並放於陰涼處晾乾即可。
用膠File做嘅口罩，感覺上比較有安全感，而且可以清洗循環再用。
  • 用膠File做嘅口罩，感覺上比較有安全感，而且可以清洗循環再用。

日醫師膠File自製口罩

口罩唔夠用，最近東京都醫師會提供一個超簡易D.I.Y.口罩嘅方法，材料及工具包括一般厚度嘅透明File夾、鉸剪、錐、橡皮筋、過濾用材料（例如廚房紙）、間尺、雙面膠紙及喺東京都醫師會官網下載嘅紙樣。只要將剪裁好嘅紙樣放喺透明File內，按紙樣指示剪出抖氣位， 再穿好橡皮筋及黐上過濾用材料即搞掂。雖然以廚房紙做過濾抗菌能力有限，但無罩可用下，不失為一個折衷辦法。

網址：https://www.tokyo.med.or.jp/18072

yadocari研發了一款附設兩把小風扇嘅睡袋「Air 寢袋」，可將體感溫度降低5℃，啱晒露營時使用。
  • yadocari研發了一款附設兩把小風扇嘅睡袋「Air 寢袋」，可將體感溫度降低5℃，啱晒露營時使用。
兩把小風扇加睡袋，重量只有185g，非常輕巧。
  • 兩把小風扇加睡袋，重量只有185g，非常輕巧。

夏日露營瞓風扇睡袋

風扇用途多多，假期想到郊外露營又怕熱嘅朋友，日本FINE TRADING JAPAN公司旗下品牌yadocari就研發咗一款附設兩把小風扇嘅睡袋「Air 寢袋」，可將體感溫度降低5℃，由於風從腳吹進來，不斷循環，睡袋內可保持乾爽。如果連接10000mA充電器，風扇可連續使用8個小時。睡袋體積輕巧，長約200cm，重量只有185g，攜帶方便。4個套裝售¥35,840（約HK$2,616），由即日起至6月16日接受預訂，於6月尾發貨。

網址：https://www.makuake.com/project/yadocari/

撰文：明藹寧　

圖片：互聯網