千元全屏手機四鏡強攝

小米旗下品牌Redmi，早於8月公布了Note 8及Note 8 Pro兩部手機，當中較高階的Note 8 Pro行貨早前已率先抵港，估唔到近日同系又有升級版Note 8T登場，最平$1,199有交易，極之吸引！新機無論外形和功能都與Note 8接近，同樣採用6.3吋水滴形全屏、Snapdragon 665處理器，而4,000mAh電池支援18W快充，重點係內置四鏡設計，包括4,800萬像素超清主攝、800萬像素超廣角、200萬像素超微距以及200萬像素景深鏡頭。最明顯的升級是Note 8T加入NFC功能，換言之用家可利用手機付款，又或者以Android Beam傳輸檔案，對於入門機來說相當少見。