5大Check Point EOS 200D II攝獵太平清醮

每年太平清醮，長洲總會人山人海，入到去除咗睇飄色、食平安包及欣賞搶包山等活動，當然要影番輯靚相。Canon新推出的入門單反EOS 200D II，以輕巧機身配合長短火鏡頭，可以讓你輕裝走勻5大Check Point打卡留念。

EOS 200D II<br>售價：$5,680（套裝連18~55mm IS STM鏡頭）

EOS 200D II
售價：$5,680（套裝連18~55mm IS STM鏡頭）

Check Point 1：眼球對焦鎖定飄色

太平清醮由即日起至5月13日舉行，不過大多數人都會於5月12日佛誕正日入長洲，皆因當日下午2時有飄色會景巡遊活動，隊伍以北社街作起點及終點。想影得清楚除了要霸個靚位，還可用200D II的眼球對焦功能，相機不僅能鎖定飄色人物的臉部，還會Lock實主體眼睛，保證唔會對錯焦，讓大家可以專注構圖。

每年飄色會景巡遊，小朋友都會扮成古今人物並擺出凌空甫士。（資料圖片）

使用Live View的人臉偵測功能時，可開眼球對焦鎖定飄色人物。

Check Point 2：濾鏡特效攝平安包

咁遠入到長洲，點都要一試招牌的平安包！較出名有「郭錦記」及「康蘭」兩間老字號，分別位於北社街和海傍道。買到新鮮出爐的平安包梗係要「相機先食」，200D II內置多達10種創意濾鏡，包括魚眼效果、模型效果、玩具相機效果等，可影出與別不同的風格。

用魚眼效果影一大盆平安包，變形效果都幾有趣。

200D II內置10種創意濾鏡包括模型效果、魚眼效果等。

Check Point 3：多角度影真包山

講到必影打卡位，肯定是北帝廟對開的三座真包山，皆因它由祭祀用的真包堆砌而成，跟搶包山比賽所用的假包山截然不同。要在人山人海的環境影到靚相，很多時都要高舉相機，200D II配備3吋104萬像素扭芒，能以多角度影到包山之餘，仲可以畀大家翻芒自拍；甚至配合Wi-Fi功能，連接《Canon Camera Connect》手機App遙控拍攝。

人頭湧湧要影三座包山，就要靠翻芒或手機遙控取景。

相機支援Wi-Fi功能，可配合手機App遙控影相及即時傳送相片。

Check Point 4：4K錄製特色手信

想選購特色手信的話，可到碼頭附近的長洲家樂徑，這裏不少商舖都有售賣平安包造型的匙扣、咕（口臣）、擺設等。200D II支援4K@25fps攝錄功能，配合「雙像素CMOS自動對焦」系統，對焦又快又準，而且新增4K擷取畫面功能，能夠將影片任何一格擷取成830萬像素靜態影像，就算唔買都可以用相機拍片留念。