Notebook Flash圓邊鍵美

潮流興復古，連韓國大廠Samsung都為新推出的Notebook Flash，糅合懷舊及摩登元素，特意模仿舊式打字機鍵盤以圓邊修飾，不但按鍵好打，內籠更以布藝物料包裹，極之Vintage。硬件則用上13.3吋全高清屏幕及Gigabit無線網絡，最重要是售價親民，備有炭灰、珊瑚粉兩色選擇，唔知引唔引到大家出新機呢？

Notebook Flash
售價：$4,680

打字好手感

Notebook Flash的圓邊鍵盤並非得個樣，小記試打時發覺按鍵回彈力和間距適中，較密麻麻的朱古力鍵盤好用，也大大減低誤按機會。而內籠部分以布料覆蓋，墊手感覺極佳，冬天使用時倍感窩心。以13.3吋屏幕睇片時，畫面亮度平均、色彩豐富，最重要是可視角度達178度，側邊睇也一清二楚，配合機內兩個1.5W立體聲喇叭，有不俗的觀影體驗。新機還支援802.11ac 2×2無線網絡，傳輸速度達1.7Gbps，可高速下載及串流電影。

特設遊戲中心

硬件方面，其大腦為Pentium Silver Processor N5000，並內置4GB記憶體，《GeekBench 4》測試多核心成績只有3,439分，效能只屬一般，玩大食遊戲可能會有點窒，但基本文書、上網應用絕對綽綽有餘。小記最欣賞是它設有「遊戲控制中心」，一站式管理快捷鍵、畫面模式及直播質素，設計有驚喜。此外，它有齊HDMI輸出、USB-C、USB及3.5mm耳機插口，配合UFS及microSD卡槽，擴充靈活。

機面以布料覆蓋，質感舒適，可惜較易弄污。	提供HDMI輸出、USB-C及3.5mm耳機等多組插口。	模仿舊式打字機的圓邊鍵盤，回彈力適中。
特設指紋掃描器，支援Windows Hello功能。	試片區試播《獅子王》預告片，細緻到連毛髮都睇得清楚，亮度柔和適中。	預載「遊戲控制中心」，一站式管理快捷鍵及直播質素。