2018腦場電腦節一元搶購筍貨

暑期壓軸活動之一「2018腦場電腦節之盛夏の電玩購物祭」，由今天（8月22日）起至8月28日在深水埗三大腦場，包括黃金電腦商場、高登電腦中心及新高登電腦廣場舉行。每年最矚目的「一元搶購大激賞」，今年加碼至逾200件產品，總值超過$200,000，以低至$1優惠價發售，電腦迷怎能錯過。

消費有着數

今年「一元搶購大激賞」包羅了各種電腦、電競及電視產品，當中原價$3,999的Samsung 500R3M-KOA手提電腦，用來上網睇片一流。針對喜歡煲碟和打機娛樂的人士，還有TOPCONPro 55吋4K SMART IDTV、Nintendo Switch加Labo套裝等。若果搶唔到心頭好都唔緊要，皆因各位於場內購物即可參加「數碼福券大抽獎」，憑單一收據（必須為同日及即日發票）消費滿$200或以上，即可獲得一次抽獎機會，消費滿$1,000以上可獲得3次抽獎機會，有機會獲得現金券呢！

Samsung 500R3M-KOA手提電腦原價$3,999，現可以$1搶購，只限一部，手快有手慢冇。
  • Samsung 500R3M-KOA手提電腦原價$3,999，現可以$1搶購，只限一部，手快有手慢冇。
TOPCONPro的55吋4K SMART IDTV植入Android平台，睇電視或上網追劇都極之方便。
  • TOPCONPro的55吋4K SMART IDTV植入Android平台，睇電視或上網追劇都極之方便。

同場加映：美少女打機

大會安排了「美美格鬥大放送」活動，由多位美少女與大家齊齊玩《絕地求生》、《七龍珠》等遊戲，並作實時轉播。另一人氣活動「熱血街頭Switch鬥」，更得到Bandai Namco支持大玩Switch遊戲《太鼓之達人》。

參加「美美格鬥大放送」有機會與多位美少女齊齊玩「食雞」手遊《絕地求生》。
  • 參加「美美格鬥大放送」有機會與多位美少女齊齊玩「食雞」手遊《絕地求生》。
Switch版《太鼓之達人》，可利用Joy-Con模仿打鼓動作，更加入Party Game多人模式。
  • Switch版《太鼓之達人》，可利用Joy-Con模仿打鼓動作，更加入Party Game多人模式。

2018腦場電腦節活動詳情

日期：2018年8月22至8月28日

時間：12:00nn~9:00pm

地點：深水埗黃金電腦商場、高登電腦中心、新高登電腦廣場

撰文：周仲明

網址：https://www.facebook.com/IT.Fest/