誓不「低頭」Alex+姿勢追蹤

不少人喺辦公室、搭車等人甚至返到屋企都耷低頭對住手機，長時間之下造成肩頸背痛。若各位唔想成為「低頭族」，Alex+智能姿勢追蹤訓練器或許幫到你。其外形似足後掛式耳機，用家可因應頭部大小而調校掛臂位置，機內特設感應器並支援IOT技術，當頸部彎得太低或者長期唔郁，感應器便會震動提示。還可經藍牙連接《ALEX PLUS》手機App，統計佩戴時間、震動次數等數據，各位甚至可跟住App做頸部伸展運動。至於內置電池的續航力達70小時，如果只在工作時戴上的話，用足一個星期都冇問題。