靈感煮意：15分鐘一煲搞掂 香辣番茄青口意粉
我經常說，減肥最大的敵人並非美食，而是「貪方便」。生活在香港地，只要肯畀錢，24小時都可以叫外賣，放工累了，隨手打個電話便有飯吃，也顧不得是多醬少菜，還是多油缺營養。結果一年過去，銀包瘦了，身體變肥。所以我減肥時，寫下不少一煲過、15分鐘不用洗切的晚餐去阻止自己貪方便。一餐吃少一湯匙油，少120卡路里；吃少3湯匙高脂高糖醬，又少200卡，慳埋慳埋，便減去60磅。今晚放工，試做這個一煲搞掂的意粉啦！少辣香甜又惹味，邊吃邊瘦才夠寫意嘛！
材料、分量：https://bit.ly/2nwwCUj
做法
1. 意粉：燒熱一煲水，放意粉和海鹽，按包裝指示烚熟意粉，隔水待用，保留1飯碗意粉水。
2. 青口：抹乾煲中水分，放蒜片、指天椒和少許橄欖油，開小火烘香。調到中火，加白酒煮1分鐘，下番茄糊和煙紅椒粉，攪勻，放入青口，關蓋煮至青口開殼，約1分鐘。
3. 組合：意粉回煲，如太乾則加適量意粉水拌勻，試味，如不夠鹹可加鹽，最後，灑黑胡椒、檸檬皮碎，拌勻。上碟後，加幾滴檸檬汁即成。
Profile
周靈山，愛情及瘦身食譜作家，著作有《邊吃邊瘦！50道獨家瘦身食譜》、《邊吃邊瘦2！56道無添加‧減油糖食譜》、《你是女皇，他就是皇帝！》。
個人網站︰http://lively.com.hk
Facebook︰http://www.facebook.com/lively.com.hk/
Instagram︰lively.com.hk