80呎滑水梯瀡走暑氣

想享受水上樂園式的涼快，其實毋須出走外地那麼大陣仗，在香港黃金海岸就有個「夏日黄金Water Fun」戲水嘉年華，畀你由頭濕到腳。要數場內最High玩意，當然是4組不同長度的滑水梯，最長那條達80呎，睇相都覺得爽。另一必試是人氣「激落FUN」，假如標靶被波擊中，坐在桶上的人就會跌落大水桶，既考小朋友眼界，亦考膽量。怕太激？現場亦有「BB版」，改為一桶水照頭淋。此外，場內另有「漆黑UFO水槍水彈大激戰」在漆黑環境以七彩水彈互射、「夏日水上飄」以充氣滾輪在水上漫步等，不得不提部分活動糅合STEM元素，玩樂之餘富啟發性。