Pixar人氣角色 呃Like方塊

就快放暑假，一眾來自迪士尼‧彼思動畫的人氣角色已急不及待為大家營造Holiday Mood，除了於香港迪士尼樂園大搞水花大街派對，還登陸太古城中心"THE BIG SPLASH" Summer Party，送上多個打卡位，當中又以「THE BIG SPLASH體感浮床」最矚目，不但Size巨型，無論你瞓住玩、跳住玩都冇問題，踩落去更會Feel到涼浸浸，夠晒消暑！走到《反斗奇兵》照相區，則可看到一堆立體方塊，再睇真啲，你會發現三眼仔、巴斯光年、勞蘇等角色統統變成正正方方，大家可以影相呃Like之餘，仲可以玩埋過三關。另外，即將重返大銀幕，為大家送上《超人特工隊》續集的超能先生亦會出場，仲抱住可愛的積仔BB，畫面充滿愛！