Theta SC初音版360度全景合照

動漫迷肯定聽過虛擬偶像初音未來嘅大名，歷年來均有不少聯乘產品，今次輪到與Ricoh合作推出Theta SC初音版360 Cam，機身不僅用上初音嘅湖水綠色調，仲印有全身肖像及10周年圖案，最過癮係可以喺全景相Key埋呢位偶像落去玩合照；另有專屬匙扣及Aitax機套，由外到內都襯到絕。
售價：$2,190<br>日本插畫師Fuzichoco繪畫的初音，手上都拿着湖水綠色的Theta SC呢！
售價：$2,190
日本插畫師Fuzichoco繪畫的初音，手上都拿着湖水綠色的Theta SC呢！

玩盡專用App

Theta SC初音版的操控相當簡單，各位可利用《RICOH THETA Type HATSUNE MIKU》手機App，把3D公仔Key落去由360 Cam所拍的全景相，內裏提供多款初音造型，既可放大縮小比例，並提供55種不同動作，甚至連表情細節如眼睛、嘴部都可任揀。要挑剔嘅係佢只能夠Key落相片，若然可Key埋落影片就更加完美。

以往Theta SC用上白色燈開關，而初音版則改用粉紅色燈。
  • 以往Theta SC用上白色燈開關，而初音版則改用粉紅色燈。
機身前後各配有一支魚眼鏡頭，能夠拍到1,080p全景影像。
  • 機身前後各配有一支魚眼鏡頭，能夠拍到1,080p全景影像。
底部設有USB充電插口及腳架孔，另提供8GB內存，唔怕忘記帶記憶卡。
  • 底部設有USB充電插口及腳架孔，另提供8GB內存，唔怕忘記帶記憶卡。

360度1,080p影片

新機的規格則跟普通版Theta SC一樣，機身前後各備有1,200萬像素魚眼鏡，能夠合成1,080@30fps全景影片，以及1,400萬像素全景相片，不過要注意每次拍片的長度只有5分鐘上限。而機身內置8GB記憶體，足以儲存約65分鐘影片或者1,600張相片。拍攝時想預覽實時畫面的話，可透過Wi-Fi配對《RICOH THETA S》手機App，支援遙控操作、調校設定，並能將影像分享至Facebook等社交網絡。

《RICOH THETA Type HATSUNE MIKU》手機App，提供55種動作畀你Key入相片。
  • 《RICOH THETA Type HATSUNE MIKU》手機App，提供55種動作畀你Key入相片。
官方以Theta SC初音版拍了不少360試片，不妨到其網站（miku.ricoh/ja/）試玩。
  • 官方以Theta SC初音版拍了不少360試片，不妨到其網站（miku.ricoh/ja/）試玩。
跟機附有初音匙扣，金屬牌上的數字其實是機身序號最後的4個數字。
  • 跟機附有初音匙扣，金屬牌上的數字其實是機身序號最後的4個數字。
隨機提供的Aitax機套，都用上專屬湖水綠色，方便將全景相機隨身攜帶。
  • 隨機提供的Aitax機套，都用上專屬湖水綠色，方便將全景相機隨身攜帶。
試相區<br>小記嘗試將多個初音Key落同一張360全景相，畫面既熱鬧又有趣。
  • 試相區
    小記嘗試將多個初音Key落同一張360全景相，畫面既熱鬧又有趣。

規格表

感光元件：1,200萬像素CMOS × 2

拍攝畫質：1,080@30fps（影片）、1,400萬像素（相片）

快門速度：1/8,000秒至60秒

感光度：ISO 100~1,600

體 積：45.2×130.6×22.9mm

重 量：約102g

撰文：黎子豪

攝影：莫文俊

查詢電話：2926 2300