「普通活動滿足唔到你，探索海底世界點睇？」花4日3夜，就可以去日本石垣島學潛水！不但水極清，並可以看到活珊瑚，更重要是有香港快運航空的直航航班，只需兩小時就可直達石垣島，考個OW牌（PADI初階潛水課程），其實唔難！
石垣島環境幽靜可以好好享受，相對於沖繩本島，前者遊人就少得多，大多以日本本地客、台灣人及港人為主。潛水訓練主要包括潛水理論、體驗潛水和平靜水域訓練、海中三潛訓練，最後通過考試就可成為Open Water潛水員。該島水域周圍都是珊瑚，有綠色、紫色、紅色，顏色多樣，七彩繽紛，比起泰國某些潛點更為優勝。一邊游還會遇上大大小小的熱帶魚、小丑魚、海龜等，這些動物基本上是這裏的常客。
提提你，潛水後記得減壓：一般潛水後最少要等待18小時減壓才可上機，要不然會有身體不適的情況發生。除石垣本島，有時間還可到竹富島看星星、西表島作叢林冒險，石垣就是個一次玩不完的好地方！
撰文：狼之（旅遊作家）
